Сигурно до сега сте купувале цвеќе според убавината или бојата. Но, дали знаете која е неговата симболика? На само една недела пред денот на вљубените, добро е да прочитате што значи одредено цвеќе, за да не ја повредите личноста во која сте заљубени.
Бел крин – чистота
Бршлен – вечна љубов и верност
Црвено лале – изјава на љубов
Момина солза – понижување
Гарденија – тајна љубов и радост
Копар – страст
Лаванда – посветеност
Љубичица – верност
Нарцис – почит
Рунолист – смелост и храброст
Црвен каранфил – благодарност
Маргарита – невиност и чистота
Кокиче – надеж
Зумбул – постојаност
Жолт каранфил – одбивање
Роза – кралица на цветовите
Во целиот свет, розата е позната како традиционален симбол на љубовта и убавината. Во светот на уметноста е славена како кралица на цветовите и цвет на боговите. Освен како цвет на љубовта и среќата, розата била симбол на херојска храброст, триумф и слава. Ако решете некому да му подарите рози, обрнете внимание на бојата:
- Црвена роза – значи љубов, посакување и романса
- Жолта роза – пријателство со посебен однос
- Бела роза – чисти духовни чувства и чистота
- Розова роза – се подарува во знак на внимание