Линијата на климатизирани кошули на компанијата Kuchofuku e наменета за оние кои работат во интензивни услови и се изложени на високи температури. Во нив тие имаат вградено систем од два вентилатори, кој функционира без разлика дали сте на затворено во неклиматизирана типла канцеларија, или се наоѓате на отворено на пеколна температура, и спречува посериозни состојби како топлотен удар.
Kuchofuku климатизираните кошули се изработени од 65% полиестер и 35% памук, а вентилаторите (кои можат да се извадат за да облеката се испере) функционираат со помош на AA батерии кои им овозможуваат неколку часовна работа (8.5 – 11ч) со едно полнење.
Имаат две брзини на работа, кои се селектираат преку контролната кутија која се наоѓа на задниот дел. Циркулацијата на воздухот изнесува 20 литри во секунда при висока брзина на вентилаторите, и 12 литра при ниска.
Тежината на кошулата е околу 550 грама, а цената околу $135. За жал,покрај високата цена, климатизираната облека има уште една несакана последица од технологијата вградена во неа – кога се вклучени, вентилаторите ја надувуваат, што дефинитивно нема да помине незабележано од колегите или случајните минувачи.
Инаку, истата компанија произведува и климатизирани панталони, јакни и покривки за кревет.