Проучувањето на интелигенцијата отсекогаш било попратено со контроверзии. Научниците не се согласуваат во тоа дали интелигенцијата воопшто може да се мери и ако може, дали повеќе зависи од генетиката или од животното искуство.
Сепак, неодамнешните испитувања за генетичкиот материјал кај 80.000 испитаници, покажале дека постојат 40 гени кои некои луѓе ги прават поинтелигентни.
По ова откритие, вкупниот број на „паметни гени“ е 52. Сепак, како што тврдат научниците, овие гени објаснуваат само мал дел од вкупната интелигенција или недостаток од истата, но преку проучување на гените може да сфатиме на кој начин интелигенцијата е „вградена“ во мозокот.
Досегашните резултати објаснуваат само мал дел на интересното прашање зошто некои луѓе се попаметни од други, но понатамошните истражувања може конечно да доведат до тоа да се надомести интелигенцијата кај некои луѓе.
- Ако сме во состојба да разбереме што тргнало кон лошо во мозокот, тоа ни дава поголема шанса да интервенираме. Зарем не би било подобро ако сме сите малку попаметни?, изјавил Ричард Хаер, невролог на Универзитетот во Калифорнија.
Дениел Постхум, генетичарка на Универзитетот во Амстердам, смета дека преку манипулација на гените заради зголемување на интелигенцијата, може да има непредвидливи и непосакувани последици.
- Пред научниците да се осмелат да ги менуваат гените за да ја зголемат интелигенцијата, мора да знаат сѐ за овој процес, заклучи Постхум.