Велика Британија и Франција веќе најавија дека во идните декади ќе ги исфрлат од употреба автомобилите со бензински и дизел погон, а сега Австралија ја објави иницијативата за електрични автомобили преку најавување на плановите за изградба на „електричен супер-автопат“.
Автопатот ќе се протега во должина од 2000км. по источниот брег на државата Квинсленд (од Каирнс до Кулангата до брегот, а потоа на запад до Тувумба) , ќе чини 3 милиони долари и ќе биде еден од најдолгите патишта дизајнирани за електрични возила. На него ќе се наоѓаат 18 станици за брзо напојување, со кои еден електричен автомобил ќе може целосно да ја наполни батеријата за 30 минути.
Објавата била направена од Стивен Мајлс, министерот за животна средина и патишта, кој ги објавил првите 18 градови кои ќе бидат дел од првата фаза на Електричниот супер-автопат.
Откога ќе се изгради, станиците за напојување во почетокот ќе бидат бесплатни, со цел да ги охрабрат луѓето да користат електрични возила. Целата енергија ќе биде обезбедена преку обновливи извори (како на пр. соларни панели), што има огромна смисла коа ќе се земе в предвид колку Австралија е изложена на сонце.
Неколку слични проекти веќе се прават низ светот, како на пример во САД дале компанијата Tesla веќе насекаде поставува супер-полначи за нивните возила.
Сега коа и Австралија се приклучува на „играта“ и сè повеќе земји имаат намера да ги банираат возилата со фосилни горива, тоа значи дека иднината на автомобилите е дефинитивно во електричните возила.