Норвешката национална радио телевизиска компанија НРК до крајот на годината ќе почне да емитува емисија во која ќе бидат прикажувани двојки како водат љубов.
Проектот е започнат со цел да им се помогне на тинејџерите да стекнат здрава слика за голотијата, нивните тела и за сексуалните односи.
Автори на емисијата со наслов „Line fikser kroppen“, распишаа конкурс за двојки кои ќе се согласат јавно да имаат сексуални односи.
- Главна замисла која се крие зад оваа идеја не е прикажување на сексуални органи во акција, туку оддалечување од вообичаениот начин на прикажување на сексот. Сакаме да им покажеме на младите дека станува збор за убава и интимна активност, изјави водителката Лине Елвсашаген.
Главниот уредник на емисијата Хакон Мослет вели дека станува збор за нов вид програма која дава поинаков поглед од оној кој е застапен во порнографските филмови.
- Константното покажување на телата подложени на разни хируршки интервенции и кореографиран сексуален чин може кај младата популација да створи голем број илузии и лажни надежи. Ние веруваме дека со прикажувањето на целокупниот љубовен чин, а не само пенетрацијата ќе успееме да ја промениме погрешната слика која младите ја имаат за сексот, заклучи Мослет.