Даниела Врајд еден ден ја чешлала косата на нејзината ќерка, кога забележала дека ѝ паѓаат цели прамени коса. Тоа се случило токму на првиот ден од оваа година. Во период од 20 дена, 7-годишната Џанеса ја изгубила целата коса заедно со своите веѓи, а кога посетиле дерматолог, тој им ја соопштил страшната вест дека девојчето никогаш повеќе нема да добие коса.
Џанеса станала дел од многуте пациенти кои патат од алопеција, автоимуна болест која предизвикува паѓање на влакната. Алопецијата не предизвикува болка, но децата кои патат од оваа болест, најчесто патат од исмејувањата во околината. За среќа, децата од училиштето на Џанеса ја сфатиле болеста, но многумина други не ја сфаќаат. Едно дете од соседството и извадило прекар „ќелавка“, по што Џанеса се почувствувала многу лошо.
Мајка ѝ решила да направи нешто убаво. Џанеса воопшто не ги сакала периките, па ја прашала дали сака секој ден на нејзината глава да лепи убави и шарени стикери. Тоа мошне ја израдувало Џанеса и веќе не ставала перики.
- Бев тажна кога ја изгубив косата, но сега сакам што ја немам. Можам да правам работи на мојата глава што другите деца не можат. Интересно е што си ја декорирам со различни украси, лепливи пеперутки и цветови, изјавила Џанеса.