Кога станува збор за туристички дестинации Париз секогаш е добра идеја.
Градот на светлината претставува седиште на високата мода, луксузот и естетиката на живеењето, а во него се наоѓаат најдобрите музеи и дел од највисоко оценетите ресторани во светот.
Освен тоа, од сега посетителите ќе имаат и можност да вкусат газирана вода која ќе биде поставена на неколку фонтани низ Париз.
Градот моментално има осум фонтани pétillante по барање на локалните жители, а кои почнаа да се инсталираат од 2010-та година.
-Луѓето често ми кажуваа дека се подготвени да пијат вода од чешма доколку е газирана, изјави Ана Ле Старт , шеф на одборот за вода во Париз.
Една од новите фонтани неодамна беше пуштена во близина на каналот Свети Мартин, на плоштадот Јуџин Варлин, а останатите се очекува да бидат пуштени до крајот на следниот декември.
Фонтаните функционираат на тој начин што ја извлекуваат водата од главната водена линија на градот, но за разлика од обичните фонтани содржат машина за CO2 која создава меурчиња.