Eуфоријата за Новата Година започнува со празничната реклама на Кока-Кола и незаменливите божиќни камиони кои каде и да поминат ја шират магијата со нив.
Заборавете на луксузните хотели оваа година, затоа што ќе можете да го исполните вашиот сон од детствoто.
Сигурно сте се запрашале како е во внатрешноста на овие неверојатни камиони?
Оваа година Кока-Кола ќе им овозможи на двајца да преноќат во нив. Внатрешноста на камионот место вкусниот пијалок кој е омилен на многумина, ќе биде претворен во празнична дневна и спална соба кои ќе бидат обвиени во луксуз од 8.772 божиќни декорации.
Гостите ќе можат да уживаат во фантастичниот вкус на Кока-Кола и Кока-Кола Зеро колку што ќе сакаат, да избираат свои божиќни мелодии и филмови, но и ќе добијат подароци кои ќе бидат оставени само за нив. Освен ова ќе добијат појадок и божиќна вечера, но и карти за настанот Coca-Cola London Eye.
Сите оние кои ќе посакаат да бидат дел од ова искуство потребно ќе можат да се пријават на овој линк и да напишат од која причина се страствен обожавател на овој голем празник.