Колку побрзо се приближуваат новогодишните и божиќни празници се повеќе се зголемува еуфоријата и доаѓа времето кога треба да се подготвуваат подароците за нашите најблиски.
Овој пат фокусот е ставен на најмалите за кои постојат голем број готови подароци кои може да се купат, но сепак од вашата креативност зависи големината на нивната насмевка.
Само неколку движења се доволни за од наједноставните нешта да создадете уникатен подарок кој со својата интересна појава ќе ги плени срцата на најмалите, а воедно и ќе им користи.
Пелените се секогаш најпотребни за малите деца. Затоа ви препорачуваме да ги земете во голема количина. Земете ролна од тоалетна хартија, а пелените виткајте ги околу неа формирајќи кружна форма. Прицврстете ги заврзувајќи ги со украсна лента. Потребни ќе ви бидат три исти тркала како би формирале подоцна трицикл.
Во ролна од брисач за во кујна протнете го вашиот втор подарок односно ќебенцето. Поврзете ги трите тркала, а со помош на второто ќебенце формирајте ја машната на вашиот подарок.
Седлото на трициклот можете да го формирате од книга со прекрасни бајки која ќе ја сместите помеѓу двете задни тркала. Иако и вака би изгледало доста штосно, доколку решите да одите чекор понатаму ви предлагаме помеѓу машната да вметнете мало шишенце за бебиња, а на двата краја од машната да ставите чевлички кои ќе формираат рачки на трициклот. На седлото може да ставите дополнителна играчка, која би допринела за поинтересен изглед на вашиот подарок.
Погледнете неколку идеи кои се надеваме дека ќе ви послужат како инспирација за будење на вашата имагинација: