Спирална пешачка патека која ќе биде лоцирана во рамките на Gisselfeld Klosters Skove во Данска се смета дека ќе биде иновација на модерното планинарење.
Структурата која ќе биде изградена им овозможува на посетителите поглед од 360 степени на шумската крошна, а ќе биде долга 600 метри.
Височината од 45 метри над земјата им гарантира беспрекорен птичји поглед на секој дел од шумата кој ќе претставува вистинско задоволство за многумина.
Патот на посетителите до целта на патеката ќе биде во вид на вртенести патчиња и мостови, а до самиот врв патеката ќе биде поделена на два дела. На повисоката патека посетителите ќе имаат можност да видат дел од најстарите дрва на шумата, додека пониските патеки ќе носат кон области кои вклучуваат млади садници.
Изградбата на оваа патека треба да биде завршена во текот на оваа година, а нејзината цел е да ја дигне свеста за убавините на природата на повисоко ниво.
