Неполн месец нè дели од почетокот на пролета и од сите убави нешта кои ни ги носи ова годишно време.
Кога природата ќе се разбуди од зимскиот сон, тешко е да им се одолее на сите оние цвеќиња и растенија кои пленат како со својот изглед, така и со својот мирис.
Доколку сметате дека садењето и одгледувањето на сопствена градина е нешто едноставно, тогаш ве советуваме да започнете со уредувањето уште оваа пролет.
Понесете зеленило на балконот или градината
Посадете зелени растенија кои имаат интересни и декоративни листови, а немаат цвет. Со тоа ќе бидете сигурни дека ќе имате постојано зеленило и нема да се двоумите дали цвеќето ќе започне да цвета или не оваа сезона.
На пример можете да посадите папрат кој е одличен за одгледување во саксии. Папратите сакаат постојана влажност на воздухот, а вие ќе ја обезбедите повремено пропрскувајќи ги лисјата со вода. Дури можете да ги ставите во корпи за цвеќиња и да ги прикачите на балконот.
Можете да посадите и лаванда доколку имате куќа и тоа да ги наместите насадите така што ќе бидат одличен украс покрај оградата. Потоа цветовите лаванда да ги соберете да ги исушите и да подготвите чај, некој вкусен десерт или пак едноставно да внесете убав мирис во вашиот дом.
Цвеќиња во домашното уредување
Внесете ги цвеќињата во домот на тој начин што ќе ја украсите трпезаријата, ќе поставите неколку вазни и ќе ги аранжирате со убави букети. Дури декорирајте ја масата каде што ќе појадувате.
Посадете зачински билки
Ако живеете во центарот на градот и сте заглавени во висококатница, не значи дека не можете да посадите неколку зачински билки кои ќе ги имате секогаш свежи на располагање кога готвите. Можете да ги одгледувате на балконот или пак на прозорецот во кујната. Се што е потребно е малку сонце и желба за одгледување. Можете да посадите рузмарин, магдонос, босилек, власец, оригано, нане, копар и многу други кои наоѓаат секојдневна примена во готвењето.