Фотографии кои циркулираат на Интернет покажуваат импресивна надградба на воените капацитети на Кина – ново оружје монтирано на воен брод.
Бродот нормално се користи за распоредување на војници и тенкови на плажи, а за новото мистериозно оружје луѓето шпекулираат дека можеби се работи за нешто што сите воени сили во светот се обидуваат да креираат – електромагнетен топ.
Колку се моќни овие оружја во споредба со конвенционалните? Користејќи масивен електричен пулс наместо хемиски горива, ваквиот топ би можел да лансира проектили многу подалеку од 13 наутички милји колку што има стандардниот 5-инчен топ кој го користи американската морнарица.
Иако ONR (канцеларијата за поморски истражувања) работи на креирање електромагнетен топ последните 10 години кои успешно го имаат тестирано, финансиските проблеми на американската војска не дозволуваат такво нешто да се додаде во нивната морнарица.
Бидејќи користат електрични пулсеви ваквите топови побаруваат многу енергија, а се шпекулира дека и тој проблем кинеската војска го има решено бидејќи на бродот биле забележани неколку генератори.
Доколку се потврди дека навистина се работи за електромагнетен топ, тоа би го направило бродот на кој е монтиран практично „непобедлив“.
Кина сè уште нема искоментирано ништо за овие гласини.