Да патувате низ светот носејќи дизајнирани парчиња и притоа да зeмате пари за тоа звучи совршено. Познато е дека социјалната мрежа Instagram не служи само за поставување на рандом слики, туку на неа се заработуваат и високи суми на пари.
На Балканот се уште да се биде инфлуенсер е непознат поим, но овој бизнис во светот се повеќе заинтригира многу луѓе.
Инфлуенсер е влијателна личност која соработува со голем број на маркетинг агенции и брендови кои на оригинален начин ги рекламира на својот профил.
Во модниот свет тие најчесто се блогерките кои активно пишуваат на своите блогови со цел да соберат голем број на читатели.
Колку повеќе се читани толку поголема сума на пари може да заработат. Оние кои го сфатија потенцијалот на овој бизнис почнаа да нудат платени објави преку кои заработуваат вртоглави суми на пари.
Денес од нив произлегуваат голем број на трендови. Официјално инфлуенсер може да стане оној кој има мобилен телефон со квалитетна камера, око за естетика и профил кој е следен од најмалку 3000 луѓе. Но, ако сакате платена соработка ќе ви бидат потребни 10 000 следачи кои на прв поглед тешко се стекнуваат, но со правилна употреба на вашиот профил, објавите кои ги составувате и вметнати хаштази може да се достигне.
Не се осмелувајте да ги купите оние кои ве следат бидејќи маркетинг агенциите внимаваат и на тоа. Доколку имате мал број допаѓања на сликите, а голем број следачи веројатноста дека нема да соработуваат со вас е доста голема.
Предвидувањата се дека овој бизнис многу повеќе ќе порасне, затоа земете ги телефоните во вашите раце, смислите добра содржина и фрлете се на работа.
Една од најпознатите инфлуенсери кај нас е Николина Славковска.
Дел од најпознатите инфлуенсери во светот:
Ејми СонгЏесика Стејн