Кога сме мали учиме од повозрасните, па без оглед на тоа дали е тоа правилно или не го прифаќаме и продолжуваме да ги правиме работите онака како што повеќето ги прават.
Сепак, постојат одредени нешта кои можеби до сега сте ги правеле и користеле погрешно.
Погрешно го држите воланот
Многу инструктори ги учат своите ученици да го држат воланот во позиција како часовникот на бројките 10 и 2. Но, поради тоа што секој волан денеска има воздушно перниче во случај на несреќни случаи, најбезбедниот начин за да го држите воланот е во позиција како бројките од часовникот 9 и 3.
Погрешно ја користите WC школката
Доколку мажите ја користат WC школката, би требало да го спуштат капакот кога ќе завршат со малата нужда. Исто така, при пуштањето вода правилно е да го спуштите и капакот за да не дозволите водата од шолјата да прска надвор.
Погрешно нанесувате дезодоранс
Многу од вас најпрво се тушираат, па користат дезодоранс. Најдобриот начин да го нанесете дезодорансот или анти- перспирантите е да ги нанесете кога ќе си легнете навечер да спиете. На овој начин помалку се потите и ќе им дадете можност на активните состојки кои ја спречуваат непријатната миризба да делуваат поефикасно.
Погрешно го чистите блендерот
Веројатно блендерот по употребата го чистите на тој начин што со сунѓер внимателно чепкате во пределот кај сечилата, но сепак тоа не е безбедно бидејќи може да се повредите. Најправилниот начин за да го исчистите блендерот е да го наполните до половина со вода и капка, две, сјај за миење садови и да изблендирате околу минута. Исплакнете со вода и блендерот е како нов.