Тајландската авиокомпанија Таи Ервејз воведе нови регулативи, според кои секој човек чиј обем на половина е поголем од 142 сантиметра, не може да седи во бизнис класата на патнички авион.
Сето тоа е поради новите безбедносни појаси и воздушни перничиња, па неопходно е да се исполнат стриктните барања со цел патниците да имаат поголеми шанси да преживеат во случај на ненадејно понирање.
Така, патниците чии обем на половина е над 142 сантиметра, не можат да го врзат појасот. Вообичаено е покрупните патници да добијат продолжен појас, но воздушните перничиња мора да бидат центрирани преку половината поради поголема безбедност и ефикасност.
„Воздушното перниче служи за заштита на главата, вратот и трупот на телото, но продолжен појас ќе значи помала заштита“, стои во соопштение на компанијата „Ем Сејф" од Аризона, која ги произведува перничињата.