Според извештај објавен во The Wall Street Journal (WSJ), компанијата Amazon нуди гифт картичка од $250 на оние кои ќе се согласат да им испратат 10 3D скенови на целото тело во период од 20 недели. Целта на овој проект е да се подобри разбирањето како телата ја менуваат формата со тек на времето.
Од WSJ велат дека виделе онлајн анкети кои Amazon ги користат да привлечат учесници и дека тие вклучуваат прашања врзани со нивната тежина, нивото на фитнес и идните планови за слабеење. 3D скенирањата пак би се изработувале за 30 минути во Њујорк Сити.
Инаку, одделот на Amazon за 3D скенирање на тела е оформен во 2017 откога тие ја откупија Body Labs, стартап компанија од Њујорк чија технологија требало да се користи од e-commerce модните бутици кои би нуделе препораки во однос на големината на облеката.
Луѓето често ги враќаат облеките кои ги купиле oнлајн (20% во споредба со 9% вратените облеки купени од бутиците) поради тоа што им се неточни, а доколку Amazon ја направат нивната технологија за скенирање достапна за сите, такви ситуации би биле невозможно да се случат во иднината – секако, доколку доброволно бидете скенирани.
Сè додека од Amazon официјално не објават нешто во врска со нивниот проект за 3D скенирање на тела, овие информации се шпекулации, иако аналитичарите сметаат дека скоро сигурно се работи за проект од таков тип.