Изминативе 3 декади, порастот на голем дел од светската популација бил сконцентриран во урбаните области каде денес живеат 4.1 милијарди луѓе – околу 55% од светската популација.
Обединетите Нации предвидуваат дека до 2030-та, во градовите ќе биде населена 60% од популацијата, а еден на секои 3 луѓе ќе живее во градови со најмалку половина милион жители.
Сателитите на NASA овој пораст го визуелизирале со Landsat програмот, иницијатива за собирање на сателитски слики од Земјата која е започната во 1972-ра.
Еве како некои градови изгледале пред 3 децении, а како изгледаат денес:
1) Дубаи – 1984 и 2017
За само 34 години, популацијата во Дубаи се зголемила од 350 000 на 3 милиони - архитектонскиот опсег на таа експанзија е импресивен, особено инфраструктурата и зградите над водата.
2) Лас Вегас – 1984 и 2018
Во областа околу Лас Вегас популацијата од 1984 која изнесувала 540 000 до денес се зголемила на 2.1 милиони. На сликите се забележува и дека езерото се намалило, благодарејќи на зголемената побарувачка за вода во регионот.
3) Чонгчинг, Кина – 1984 и 2017
Овој град формално не постоел до 1997-ма, кога бил прогласен за официјален град. По тоа, инфраструктурата почнала рапидно да се зголемува и не покажува знаци на забавување.
4) Пекинг, Кина – 1984 и 2017
И Пекинг има слична експанзија – неговата популација се зголемила за 4 пати од 1984 до 2017, од 6 милиони на 24 милиони.