Сите невести понекогаш знаат да бидат помалку каприциозни кога станува збор за еден од најважните денови во нивниот живот, денот на нивната венчавка.
Сепак, приказната за Сузан од Канада покажува дека некои од нив едноставно не знаат за доста. Оваа невеста требало да се венча со своето долгогодишно момче на церемонија вредна околу 60 илјади долари.
Сепак, на само четири дена од големиот ден, парот ја откажал венчавката бидејќи гостите не го исполниле условот за присуство- да платат по 1500 долари од човек.
Поради ова исфрустрираната невеста го истури својот бес врз пријателите и семејството на Facebook.
-Јас конкретно, мислам навистина конкретно, побарав подароци во плик. Како можеме да си ја дозволиме венчавката од соништата без соодветно финансирање? Жртвувавме толку многу и само побаравме од гостите околу 1500 долари. Зборувавме со неколку луѓе кои дури ни ветија дека ќе ги исполнат нашите соништа. Мојата старосватица вети 5000 долари заедно со нејзините услуги за планирање. Низ солзи се заблагодаривме и прифативме. Семејството на моето сега веќе поранешно момче се понуди да придонесе со 3000 долари.
Затоа нашето барање за 1500 долари од другите гости не беше е**** необично. Беше јасно. Ако не можете да придонесете, не сте поканети на нашата ексклузивна венчавка. Тоа е забава што се случува еднаш во животот, објаснува невестата.
Убава замисла, ама лоша реализација. По ваквото барање само 8 од поканетите гости испратиле чек со бараната сума, што мошне ја разгневило идната невеста.
-Како можевме да го изведеме сето тоа без мала поддршка од нашите пријатели. За да биде полошо семејството на моето поранешно момче си ги повлече парите. Одеднаш сè повеќе луѓе се повлекоа, вклучувајќи ја мојата старосватица. Мојата најдобра пријателка од детството. Моето второ семејство. Бев шокирана и во солзи. Имаше само месец дена до венчавката. Да се откаже сè би чинело повеќе до 5000 долари, продолжува Сузан и додава дека нејзиниот свршеник предложил да направат мала венчавка во Лас Вегас, што уште повеќе ја налутило.
-Моето екс момче ја напушти собата и воопшто не се ни извини за својот ужасен предлог. Тогаш и се јавив на својата старосватица и се исплакав. Наместо сочувство, ми рече дека барам премногу и дека треба да се држам до буџетот. Како може некој кој ми понудил илјадници долари потоа да ми ги негира понудените пари и да ми каже да го намалам буџетот? Знаеше дека мојот е*** сон е да имам луксузна венчавка.
Само сакав да бидам Кардашијан за еден ден и потоа да си живеам нормален живот.
Несудената невеста, на крајот освен тоа што не ја доби венчавката од соништата, ја раскина врската со свршеникот и се испокара со сите пријатели и роднини. Според неа, луѓето околу не се змии, па затоа ќе ги помине следните два месеци шетајќи се низ Јужна Америка.