Јапонската влада ги гледа летачките автомобили како лек за некои од сообраќајните проблеми со кои се соочува нацијата, бидејќи ќе го намалат сообраќајниот застој, ќе го зголемат туризмот како и пристапот кон понепристапните области.
Затоа, Јапонија сака да биде светскиот лидер во развивање на вакви возила, а неколку компании веќе сакаат да и помогнат да ја постигне таа цел.
Дваесет и една компанија и организации се приклучиле кон група водена од јапонската влада дизајнирана да го создаде планот за што помасовно прифаќање на летачките автомобили во Јапонија.
Меѓу нив се и некои од најголемите „играчи“ како Uber, Boeing и Airbus, чии делегати се собрале да го создадат овој план со кој летачките автомобили би биле на јапонското небо веќе во следната декада.
Според Јасуо Хашимото, истражувач од Japan Aviation Management Research од Токио, неопходно е владата да преземе водство и да го координира поставувањето на сигурносни стандарди, со што би се поставила базата на оваа нова индустрија пред останатите земји.