Со текот на годините, првото место на листата на највисоки облакодери во светот често се менувало – со развојот на технологијата, истите стануваат сè повисоки и повисоки, а од 1930-тите до денес нивната височина се зголемила скоро за 500 метри. Еве колку тие се промениле во изминатите неколку декади:
1) Емпаер Стејт Билдинг, највисок облакодер во периодот од 1931-1972
Со височина од над 380 метри и 102 ката, овој облакодер не бил само главно обележје на Менхетен туку бил и највисок во светот.
2) Кулите на Светскиот трговски центар , изграден 1972
Познатите „кули близначки“ на Светскиот трговски центар биле највисоки од оригиналните 7 згради, со височина од 416 метри
3) Кулата Вилис (претходно Сирс) , највисока во 1974
Овој облакодер бил највисок во светот скоро 25 години, со височина од 441 метри, се до новата One World Trade зградата на местото на кулите близначки, изградена во 2014.
4) Кулите Петрона, највисоки во 1998
Лоцирани во Куала Лумпур, Малезија, кулите Петрона се високи 452 метри, а поврзани се со мост на 41 и 42-риот спрат.
5) Кулата Таипеи 101, највисока во 2004
Кулата се наоѓа во Таипеи, Тајван, висока е 509 метри, и во неа се наоѓал најбрзиот лифт во светот (во 2004-та).
6) Бурџ Халифа, највисока од 2010 до денес
Лоцирана во Дубаи, Обединетите Арапски Емирати, Бурџ Халифа руши неколку светски рекорди – највисока набљудувачка палуба, највисок ресторан и највисок ноќен клуб, а висока е 830 метри (до самиот врв).