За првпат најавен во јуни 2015-та, амбициозниот, комплетно функционален, 3D принтан метален мост на MX3D е подготвен за неговата инсталација во Амстердам по неговото претставување на Dutch design week 2018.
Дизајнирана од Joris Laarman Lab, оваа конструкција од не’рѓосувачки челик има комплексна геометрија, а треба да биде инсталирана во почетокот на 2019-та преку еден од најпознатите и најстари канали во Амстердам, Холандија.
За изработката на овој мост бил користен специјално дизајниран MX3D софтвер и 4 индустриски роботи со повеќе оски, на кои им биле потребни 6 месеци 3D принтање. Неговата должина е 12.5 метри, широк е 6.3 метри, а дизајнот моментално тежи 4500kg и во него се вградени околу 1100km жица.
Пред да биде инсталиран во 2019-та, следната фаза на неговото развивање ќе биде тестирањето, каде треба да биде верификуван неговиот структурален интегритет.
Користењето на овој нов метод за конструкција побарувал да се развијат и нови сигурносни стандарди. MX3D работеле со официјални лица од Амстердам за тоа да го постигнат, а во тоа биле вклучени и нивните партнери со чија помош мостот бил опремен со мрежа од сензори преку кои се добиваат податоци во врска со сообраќајот кој би поминувал врз мостот, како и за неговиот структурален интегритет.