Длабоко во западна Русија се наоѓа голем, метален диск, прицврстен за тлото. Тоа не е обичен стар диск, туку заварен капак од дупка длабока повеќе од 12 километри.
Тоа е подлабоко од најдлабоката точка во океаните и најдлабоката дупка која било кога била ископана.
Дупчењето на Kola Superdeep Borehole било започнато во 1970-тите, но за чудо не била наменета за вадење нафта, туку за научни истражувања, поточно за истражување на составот на земјината кора.
Наредните 24 години таа била дополнително дупчена, за да во 1994-та длабочината достигне 12 километри. Инаку имала дијаметар од 23 сантиметри.
Благодарение на неа, биле откриени полно работи, меѓу кои и микроскопски фосили (на длабочина од 7 километри) на 24 видови на едноклеточни организми.
Научниците исто така добиле пристап до карпи стари 2.7 милијарди години, но за жал не можеле да ги истражат бидејќи нивната температура изнесувала околу 180 °C, што е за 80 °C повеќе од онаа која ја предвидувале.
Проектот завршил во 1995-та поради распаѓањето на Советскиот Сојуз, по што нејзината локација била напуштена и денес претставува опасност за животната средина.