На 21 март годинава, последниот машки северен бел носорог умре на 45 годишна вораст. Судан – именуван според земјата каде бил роден и живеел под заштита на вооружени чувари, боледувал од дегенереративна состојба на мускулите и коските и бил еутаназиран.
За среќа, научниците успеале од него да земат генетски материјал кој еден ден би можел да биде искористен за креирање на повеќе такви животни преку ин-витро оплодување.
Постојат уште многу други видови на животни на кои им се заканува целосно истребување, а дел од нив се:
1) Амур леопард
Овој подвид на леопарди, познат и како „леопард од далечниот исток, Манчуриски или Корејски леопард“, може да трча со брзина од 60км/ч. и да скока и до 6 метри во височина. Според пописот од 2015-та, живи се само околу 60 вакви леопарди кои живеат во национален парк во Русија.
2) Планински горила
Популацијата на овие видови на горили изнесува нешто под 900, а најголемата закана за нивното преживување е политичката нестабилност (конфликтите во демократската република Конго), како и уништувањето на шумите.
3) Саола – азиски “еднорог“
Овие енигматски животни живеат во планинските региони во Виетнам и Лаос и се исклучително ретки – научниците досега документирале само 4 примероци.
4) Црн носорог
Бројот на црни носорози во Африка драматично се намалил во изминатиот век – во 1995-та постоеле помалку од 2500, што е за 98% помалку во споредба со 1960-та.
Од тогаш нивната популација е малку зголемена, па денес постојат 5000 – 5400 црни носорози.
5) Суматрански тигри
Денес постојат помалку од 400 вакви тигри, кои ги има само на Суматра, индонезиски остров.
Нивната смрт е предизвикана од ловците, но и од дефорестацијата, бидејќи со уништување на шумите од луѓето тие мораат да бараат храна на други места, при што се приморани да напаѓаат стока или луѓе и се сè повеќе убивани.
6) Вакита
Вакита е најреткото водно животно во светот, за прв пат откриено во 1958-ма. Денес се живи само 30 вакви животни, за повеќе од 92% помалку од 1997-ма.
За нивното исчезнување значително придонесуваат климатските промени, бидејќи влијаат на условите во нивните живеалишта и во синџирот на исхрана.