Роман Федортсов, руски рибар кој лови на големи длабочини заработува со ловење на риби кои луѓето ги јадат, а хоби му е документирање на бизарните и често пати морничави жители на океанските води кои понекогаш се фаќаат во неговите мрежи.
Тој повеќе од 4 години постира слики од ваквите животни на неговиот Instagram профил, кој изгледа како да е на некој фотограф од National Geographic, а не на скромен рибар кој лови во Мурманск.
Животните на овие слики може да изгледаат значително поразлично кога се во нивната природна средина (во длабочините на океаните), бидејќи поради екстремните разлики во притисокот на водата на тие длабочини и оној на површината, тие може да се превиткаат во разни чудни форми, па дури и да експлодираат поради брзото ширење на гасовите и течностите во нивните ткива предизвикано од притисокот.
Тоа е и причината што многу од рибите од Instagram профилот на Федортсов имаат испакнати очи (кои ги прават да изгледаат како ликови од цртан филм) и аморфни тела.
Истражувачите се надеваат дека ќе имаат повеќе шанси за студирање на природната физиологија на организмите кои живеат во длабочините на океанот. Или преку нивно опсервирање во нивната природна средина со користење на подморници или подводни дронови, или пак со пренесување на живи примероци на површината во специјални контејнери во кои ќе се стабилизира притисокот.