Претставени се планови за изградба на зграда наречена „Лале“ (the Tulip) висок 305 метри, која би се наоѓала во Лондон. Апликацијата за овој проект е поднесена во ноември и доколку биде одобрена, конструкцијата треба да започне во 2020-та и заврши до 2025-та.
„Лале“-то ќе биде високо 305 метри и ќе има галерии за набљудување составени од мостови, стаклени слајдери, како и гондоли кои ќе се движат на фасадата на зградата. Ресторанот и барот ќе нудат прекрасен поглед на градот, а во проектот е вклучена и едукациска компонента со „училница во небото“ која нуди 20 000 слободни места годишно за децата од Лондон.
На приземјето ќе има парк и павилјон со јавно достапна градина, а за да ја намали потрошувачката на енергија, зградата ќе биде направена од стакло со високи перформанси и оптимизирани градежни системи. Загревањето и ладењето ќе бидат овозможени од технологија со нула согорување. Плановите за „Лале“-то ќе бидат изложени во декември за локалните жители, бизниси и јавноста.