Селцето „Дедо Мраз“ (Santa Claus Village) во Рованиеми, Финска, е неговиот „роден град“ и „канцеларија“ каде работи преку цела година, а актер кој зборува на повеќе јазици го глуми и се среќава со стотици обожаватели дневно.
Ова селце било скоро целото уништено за време на Втората светска војна, а во 1950-та го посетила првата дама на САД, Еленор Рузвелт, поради што официјалните лица изградиле колиба на неколку километри од него, која што постои и ден денес.
Легендата вели дека оригиналниот дом на Дедо Мраз е на тајна далечна локација во Финска, позната само на неколку луѓе, па така во 1985-та било одлучено да се отвори „јавна канцеларија“ во колибата во Рованиеми каде тој ќе ги пречекува децата и ќе привлекува туристи во областа.
Наскоро, селото било отворено и во 2010-та именувано како официјален роден град на Дедо Мраз.
Него го посетуваат околу 300 000 посетители секоја година, а за $8 секое дете добива гаранција дека ќе биде ставено на листата на „добри деца“ со купување на “сертификат за добрина“
Секоја година, повеќе од половина милиони деца од 198 различни земји низ светот испраќаат писма кои пристигнуваат во поштата во ова село, која има и сопствена марка.
Тука има забава и за постарите посетители – „Светот на Снешкото“ ледениот бар и ресторан е место каде може да се пие алкохол, и каде сè е направено од лед – шанкот, масите, па дури и чашките. На располагање е и игло-хотел, како и можност за возење со санка и посета на фармата на ирваси.
