Занг Пенгфеи (40), инаку директор на едно основно училиште во северна Кина, преку ноќ стана интернет сензација откако беше снимен како танцува заедно со своите ученици.
Пенгфеи секое утро синхронизирано танцува со 700 ученици со цел да ги мотивира да бидат физички активни, наместо „залепени“ за своите мобилни телефони.
Танцот трае околу 30-тина минути и е замена за традиционалното вежбање кое се изведува во сите кинески училишта.
-Мислев дека ни е потребна промена затоа што учениците започнаа да губат интерес за класичните вежби. Танцот ми изгледаше како одличен за деца. Музиката е полна со енергија и навистина му овозможува на среќното чувство да се шири, вели Пенгфеи.
Неговата идеја да ги активира децата со танц има одличен фитбек, па сега освен тоа прават нешто добро за своето тело и се забавуваат.