Унгарија планира да изгради комплетно јаглеродно-неутрален град „од нула“ на северозападот на земјата, со инвестиција од германската компанија FAKT во висина од 1.1 милијарда долари, на површина од 3.2Km2 каде би можеле да бидат креирани 5000 постојани работни места.
Целиот град ќе биде напојуван со соларна и биогас енергија, а идејата е и други региони во областа да се конвертираат од корисници на јаглен во корисници на чиста енергија.
Градот ќе има полно стакленички објекти за да се подобри снабдувањето со овошје и зеленчук на Унгарија, како и 1000 апартмани, градинка, основно училиште и други образовни институции.
Оваа инвестиција е досега најголем и најкомплексен земјоделски и прехранбен индустриски проект во последните неколку декади и е уникатен во Централна Европа.
Овој сектор се очекува значително да расте во идните неколку години, а според Deutche Welle се работи за најбрзо растечкиот земјоделски сектор во ЕУ.