Доколку ве запре полицаец и се сомнева дека премногу сте испиле пред да возите, тоа може многу лесно да го провери со апарат кој преку здивот го проценува нивото на алкохол во крвта.
Но, доколку се сомнева дека сте консумирале марихуана, тоа не може да се провери на лице место, без дополнителни лабораториски тестови.
Сега, канадската стартап компанија SannTek Labs креираше уред за детектирање на марихуана преку здив, преку анализирање на молекули во него со цел да се одреди нивото на марихуана која била испушена во претходните 3 до 4 часови. Сè уште не е познато дали таа може да се детектира доколку била консумирана преку колачиња или преку електронски цигари.
Уредот ја детектира Delta-9 THC, предоминантната психоактивна компонента на канабисот, бидејќи е познато дека оние кои во голема концентрација ја имаат во својот систем имаат нарушени психо-моторни вештини.
Од SannTek планираат уредот да го продаваат на полицијата за помалку од $1000.