Едни од најпознатите производи на компанијата ,,Краш”, култните колачи ,,Domacica” деновиве имаа мала промена на изгледот, па сега кон името ,,Domacica” стојат и најразлични занимања како „адвокатка“, „менаџерка“, „правничка“, „програмерка“ итн.
-Со нашата нова кампања целиме да ја подигнеме јавната свест за важноста и сложеноста на обврските во домаќинството кои жените најчесто ги преземаат и да ја подигнеме свеста дека грижата за домаќинството е заедничка работа на сите членови на домаќинството. Првиот чекор на кампањата е да ја ставиме ,,Domacica” на полиците во специјално издание“, соопштиja од „Краш“.
Ваквиот потег го подели мислењето на јавноста. На некои им се допадна идеја, додека други сметаат дека потегот е погрешен. Критиките најмногу се однесуваат на тоа дека кампањата која навидум изгледа како еманципаторска, во суштина прво ја сведува жената на домаќинка, а потоа на се друго.
Кое е вашето мислење?