Мачорот Руперт е трипати поголем од обичните мачори и сè уште расте. Џиновското милениче, кое тежи девет килограми веројатно е најголемата мачка на светот, а досега го има достигнато само половина од својот раст и тежина. Тригодишниот мачор, од видот „maine coon“ достигнал само половина од својата можна големина, а се очекува да се здебели за уште некои пет килограми.
Руперт, кој по потекло е од Австралија, досега има освоено три награди на натпреварувањата за мачки, а судиите на натпреварите велат дека тој е еден од најголемите домашни „maine coon“ мачки.
- Тој е мала, чудовиштна мачка која уште ќе расте. Тој е поголем и од најголемата „maine coon“ мачка која досега сум ја видела и веројатно уште толку ќе порасне, вели Лесни Блити, судија на натпревари за мачки.
- Тој изгледа величествено, особено поради тоа што долгото влакно придонесува да изгледа уште поневеројатно и подиво. Луѓето се шокираат кога ќе го здогледаат, вели Кира Фостер, сопственикот на Руперт.
„Maine coon“ мачките се познати по тоа што се едни од најголемите домашни мачки. Овие мачки водат потекло од американската држава Мејн, а се карактеристични по своето долго влакно и по тоа што можат да достигнат должина и до 102 сантиметри.