Холандскиот артист Diddo изработи скулптура од череп со иста големина како човечкиот и ја нарече Ecce Animal. Овој пат, материјалот со кој работеше артистот е малку поразличен од другите материјали со кои се служат уметниците. За изработката на овој череп, Diddo користеше кокаин.
Имено, целата смеса од која е изработен черепот е составена од кокаин и желатин. И покрај тоа што Diddo не го пробал кокаинот дали е чист, тој направил лабораториски испитувања, кои докажале дека кокаинот бил со 15-20% чистота.
Уметникот не сака да открие никакви детали за вредноста на ова уметничко дело. Сепак, тој објасни дека незаконската скулптура не значи дека самиот уметник е зависен од кокаин.
- Не сакам да се правам многу паметен, но тоа е соединување на две икони кои предизвикуваат мислење и дискусии за природата на човекот. Посебно, за неговото создавање и учество во општество во кое одекнува неговата тенденција да не изгуби контрола, изјави Diddo.
Тој ги става едно до друго нашето животинско битие со тенденцијата со која човекот се бори со внатрешните сили. На неговата веб страна, до скулптурата има поема со наслов исто како и насловот на уметничкото дело, Ecce Animal.