Лорен Урасек од Менхетан, е шминкерка која стана популарна откако магазинот Њујорк објави дека таа е една од најпосакуваните жени на интернет. Имено, оваа 23-годишната девојка дневно добива по 35 повици за состанок, на познатата страница за барање љубов, OKCupid.
Откако таа почнала да се гледа со некое момче, решила да го избрише профилот на страната. Токму тоа момче го запознала од таа страна, каде што секој ден ја контактирале многу момчиња.
- Никогаш не се сметав себеси за најзгодна девојка. Пораснав како грдото пајче и оваа популарност навистина ме зачуди, напишала Лорен откако го повратила својот профил на страната бидејќи веќе раскинала со тоа момче.
Лорен добивала и некои бизарни пораки и понуди, кои ги објавува на профилот на Tumblr, кој неодамна го отвори. Моментално не е во врска, а вели дека во последно време не ни била на многу состаноци.
- Запознавав момци кои се обидуваат да ме бакнат по 10 минути откако ме запознале. Многу лажат за своите животи, а најчесто за изгледот, вели Лорен.
Признава дека запознава и момци кои и се допаѓаат, но тие не сакале повторно да излезат со неа. Сепак, целата оваа популарност и е многу напорна и ни малку интересна.