Виктор Холмс од Манчестер и 77 години по својата смрт не престанува да фасцинира. Роден во семејство со 5 браќа и сестри, мајка домаќинка и татко столар, малиот Виктор починал пред 12-от роденден откако претходно и избегал на смртта дури 12 пати.
Момчето со блескава насмевка кое иако сиромашно, честопати и било познато на јавноста бидејќи се појавувало по весниците пред да почине постојано запаѓало во неволја, небаре смртта се обидувала да го земе по секоја цена.
Во 1934-та неговата слика се нашла на насловната на локалните весници со објаснување „Деветгодишниот ученик Виктор Холмс ја доживеа својата 11-та несреќа кога врз ногата истурил врела вода и се здобил со сериозни изгореници. Пред ова Виктор три пати за малку не се удавил, два пати бил удрен од автомобил, еднаш од мотор, а еднаш сериозно се изгорел со карбид “
Со оглед на тоа дека момчето било од мошне сиромашно семејство неговите родители го носеле во болница само кога неговите несреќи биле навистина сериозни.
Претпоследната несреќа била кога Виктор завршил под кочија, при што ногата му била целосно деформирана, па од тогаш морал да се движи со штаки. На само три недели од својот 12-ти роденден малиот Холмс по се изгледа ги потрошил сите животи и паднал во дупка со креч. Наместо во болница бил пренесен во амбуланта каде што починал од слабеење на срцевиот мускул.