„Има разлика“ е мотото со кое владејачката ВМРО-ДПМНЕ ги повика граѓаните со право на глас да излезат на претстојните претседателски и парламентарни избори и да се определат за нивната политичка опција.
Со цел да ги мотивира гласачите, партијата промовираше 4 видео спотови во кои преку хорско пеење на креативен начин се обидува да допре до гласачкото тело. Сепак, дали оваа идеја и се допадна на целната публика на која што и е наменета?
Видео материјалите кои беа објавени на YouTube добија многу негативни коментари, по што можноста за коментирање беше оневозможена. Повеќето од нив се однесуваа на тоа дека партијата ја преминала границата и сакајќи преку песна да привлече внимание, направила сериозен кикс. Што мислите?