Наскоро ќе се отвори најскапиот ресторан во светот „Sublimotion“ и тоа на луксузниот остров Ибица. Ресторанот ќе биде дел од хотелот „Hard Rock“, кој ќе се отвори на 18 мај. Во овој ресторан порцијата за едно лице ќе изнесува од 1.235 долари па нагоре.
Комбинацијата од храната, уметноста и технологијата ветува едно незаборавно искуство за сечие сетило.
- Приборот за јадење ќе предизвика возбуда и кај најзапоставените сетила и во исто време ќе чувствувате среќа, задоволство, страв, одраз и носталгија. Со нашите вечери можете да лутате низ светот од Северниот Пол каде што ќе уживате во ладниот оброк на санта мраз или пак на барокниот Версај каде што ќе зрачи елеганта роза која им се топи во чинијата, како низ бајка објасни портпаролот.
Пако Ронсеро, најпознатиот готвач во Шпанија, ќе ги долови неговите најдобри јадења. Тој се надева дека гостите ќе уживаат во едно кулинарно искуство какво што не доживеале до сега.
Хотелот „Hard Rock“ има капацитет од 493 соби, приватни базени, балкони со поглед кон океанот и надворешно џакузи. Исто така, има и VIP услуги кои овозможуваат пристап до најскапите клубови и ресторани во Ибица.