Кинеските жени негуваат традиција на носење шлемови направени од вистинска коса, зачувана од нивните предци. Наместо да ги остават косите на нивните баби во ковчезите кога умираат, тие ги собираат и ги негуваат. Во посебни прилики, жените и девојките внимателно ги намотуваат на нивните глави.
Сепак, оваа традиција не е застапена во целата Кина, туку во јужно-западна Кина, каде што сè уште се почитуваат старите традиции. Овие слики се фотографирани во провинцијата Гуизоу, поточно во селото Суоја.
Секоја перика се пренесува од колено на колено, односно од мајка на ќерка, па така периките се стари околу 100 години. Се фарбаат и се одржуваат во посебни услови.
- Периките се носат на различни свечености од свадби па сè до празници и традиционално би требало и мажите да ги носат, но на крајот од денот тие веќе не можат да ги издржат, па се откажуваат, изјави Шу Ту, кинески експерт по култура.
Сепак, со цел да не изумре оваа традиција, жените и девојките решиле да ја продолжат. На овој начин тие им оддаваат почит на своите предци.
- За некои луѓе историјата е напишана во книги, нашата е на нашите глави, изјавуваат Кинеските жени.