Еден од трендовите меѓу младите со месеци кружи на YouTube, каде што секојдневно се придружуваат нови момци. Имeно, тие „играат“ односно се тепаат меѓусебно и на крај послабиот го „казнуваат“, а казната најчесто е пиење огромни количини алкохол. Едно од правилата е личностите да се удираат на исто место – тоа најчесто е рамо или рака, но некои удираат и по стомак и глава.
Меѓусебната игра најчесто се снима со мобилен телефон и се објавува на социјалните мрежи и на YouTube. Нема потреба ни да споменуваме колку е опасна. Во оваа игра настрадал 23 годишниот Томи Маин од Лондон, кој за време на ударите се онесвестил и иако за брзо време бил префрлен во болница починал.
Неговиот брат Рој бил бесен на неговите пријатели, кои наместо да ја спречат оваа игра, цело време снимале, а 20-годишникот кој го удирал Томи и му задал смртоносен удар, уапсен е за убиство. Полицијата се уште го расветлува случајот.