Околу 250.000 луѓе биле иселени од своите домови со цел да се изградат нови стадиони за Светското првенство во фудбал кое се одржа во Бразил. Откако заврши првенството, неколку стадиони останале празни и бескорисни.
Но, двајца француски архитекти, Алекс де Стампа и Силвиан Мако предложиле мошне интересен и значаен план „1 Week 1 Project“ кој што ќе им го реши прашањето на бездомниците.
- Проектот „Casa Futebol“ нуди обнова на стадионите изградени за Светското првенство каде би се изградиле пространи модули-станови, доволни за пристојно да живеат четворица членови на едно семејство. Со тоа ќе им е овозможи една алтернатива на бездомниците, но и љубителите на фудбалот не се загрозени. Стадионите ќе продолжат да се употребуваат за фудбалски натпревари, чии средства ќе ги финансираат домаќинствата на стадионот, стои во објаснувањето на проектот.
Преку овој проект, архитектите им отвораат можности на сите земји кои што имаат проблем со бездомниците. Интересно е она што стадионите ќе продолжат да се користат и за фудбал, но и ќе бидат живеалиште на многу луѓе. Овој проект треба да биде пример кој би се применил во повеќето држави.