Еден од луѓето кои биле во близината на Јосип Броз Тито, кој подоцна потврдил дека има докази дека Тито всушност не е личноста која се претставувала на цел свет, е неговиот личен доктор Александар Матуновиќ. Тој го лечел маршалот од 1975 година до 1979 година, односно до неговата смрт.
Во извештајот, д-р Матуновиќ напишал дека Тито со него постојано носел актовка во која криел важни работи.
- Тито имаше мала актовка, мислам дека беше од змиска кожа. Секогаш ја носеше со себе. Покрај клучот, торбата беше осигурена и со мал катанец. Во два наврата – влегувајќи во неговата просторија, го видов како пребарува по актовката. Но, беше свртен со грб, а торбата му стоеше во рака. Кога и да влезев, брзо ја затвораше торбата. Делуваше како човек кој е фатен во недозволена работа. По тоа знаев дека во торбата се наоѓаат за него значајни работи. По неговата смрт се распрашував кај членовите на комисијата за средување на наследството на Тито, што точно пронајдоа во таа актовка. Еден од членовите на комисијата, Ѕвонко Костиќ, ми кажа дека покрај златниот накит, пронашле и посмртница на Зденко Пауновиќ од 1 мај 1945 година, извод од матична книга на венчаните со Јованка Будисављевиќ од 1952 година и слика од Пелагија Белоусова. Исто така овде пронашле и извештај од австро-унгарското Министерство за војни, од есента 1915 година, во кој се наоѓал список на австриски офицери, подофицери и војници кои го изгубиле животот за време на битката на Галиција. Во списокот се наоѓало и името на заповедник Јосип Фрањо Броз, пишува во извештајот.
Преку пронајдениот извештај, личниот лекар на Тито, смета дека Тито не бил Јосип Фрањо Броз од Кумровец, туку дека зад тоа име се криела некоја друга личност.