Сигурно сте се нашле во ситуација кога некое внатрешно чувство ви вели да правите едно, а вашето рационално размислување друго, па често кога сте ја донеле одлуката базирана на рационалното размислување сфаќате дека била погрешна. Токму вашата интуиција, она внатрешно чувство е вашиот потсвесен лидер, кој многу луѓе го игнорираат. Но, ако научите да ја слушате сопствената интуиција ќе научите да донесувате и подобри одлуки.
- Ја дефинирам интуицијата како суптилно знаење без ниедна идеа за тоа што вие самите знаете. Различна е од нашето размислување, од нашите логики и анализи, но сепак интуицијата знае без познавање, објаснува Софи Бурнам, авторка на книгата „The Art of Intuition“.
Интуицијата е едно потсвесно расудување кое ви кажува да свртите лево, кога сите знаци ви покажуваат да свртите десно. Тоа е еден внатрешен шепот кој ве води во постигнувањето на најдобрите резултати, само треба да научите да ја слушате музиката и да му дадете шанса на шепотот. Без разлика дали одлучуваме кое работно место треба да го прифатиме, како да го решиме проблемот, интуицијата најдобро знае која одлука да ја направиме. Проблемот лежи во тоа што многу луѓе го закопале длабоко овој внатрешен шепот, па веќе не го ни слушаат. Сепак, шепотот сè уште е присутен во секој од нас.
Ви нудиме неколку начини преку кои ќе научните полесно да ја слушате интуицијата:
Медитирајте. Поминувајте време во тишина и на тој начин ќе се слушате самите себе.
Комуницирајте со природата. Препуштете и се на планината, долината или рамнината исполнета со зеленило.
Бидете креативни. Почнете да цртате, да пишувате или да креирате музика.
Научете да слушате. Најпрво почнете со вашето семејство и со пријателите и за брзо време ќе почнете да се слушате самите себе.
Бидете свесни за вашето тело. Научете да ги ценете малите сигнали кои ви ги испраќа телото, кога ви вели дека е изморено, задоволено, разболено или има потреба за љубов.
Научете да ги оставите работите и немојте да контролирате се. Животот си тече, а проблемите поминуваат. Опуштете се.
Бидете позитивни и насмеани. Со тоа постојано ќе бидете исполнети, а вашата интуиција ќе ви испраќа позитивни вибрации.