Продажбата на машини за пишување во Германија е во полн ек, бидејќи компаниите и државните служби се повеќе се плашат од американско шпионирање.
Старата технологија повторно е актуелна поради скандалот со шпионажа поврзан со NSA. Всушност, откриено е дека Вашингтон во повеќе наврати го хакираше телефонот на канцеларката Ангела Меркел, по што шпионот на CIA е протеран од Берлин.
Најмногу се бараат машините за пишување од марките Olympia и Bandermann.
“Продаваме околу 10.000 машини за пишување секоја година“, вели менаџерот на Bandermann, Ролф Бонен, додавајќи дека продажбата минатата година била за една третина поголема отколку во 2012 година.
Претставникот на Olympia, за односи со јавноста вели дека оваа година очекуваат многу поголема продажба од последните 20 години, наведувајќи дека се продадени двојно повеќе машини на почетокот на оваа година отколку во истите периоди претходните неколку години.
Повеќе големи компании и многу поединци доверливите податоци од неодамна преферираат да ги ставаат на хартија отколку на компјутери.
“Сигурни ќе продаваме повеќе од 10.000 машини“, вели менаџерот на Olympia, Андреас Фостирпулис. Тој додава дека неговите руски деловни партнери барале 20 машини за пишување за тамошните тајни служби.
Политичарот Патрик Сензибург, кој се наоѓа на чело на парламентарната истрага на Бундестагот поврзана за скандалот со прислушувањето, минатата недела апелираше политичарите да се вратат на старите технологии.