Додека некои девојчиња сонуваат да изгледаат како принцези, Чарли Тилотсон, од Англија сонувала да им ја исполни таа желба на пациентките болни од рак. Таа никогаш не си ја скратила косата и отсекогаш била опседната со нејзината должина.
Но, откако преку телевизија дознала за децата кои се борат со рак, Чарли решила својата коса да ја донира на „Little Princess Trust“, организација која донира перики на млади девојки кои се заболени од канцер. Исто така, таа решила да собира пари кои ќе ги донира во хуманитарниот центар за деца болни до рак во Британија.
Татко и на Чарли, Стиви Тилотсон, кој ќе и помогнал во донациите, вели дека е пријатно изненаден од неговата ќерка.
- Дојде кај мене и кажа: Тато дали ќе ти пречи ако ја скратам мојата коса за дечињата болни од рак? Јас се вчудовидив, изјавил Стиви.
Нејзината коса имала должина од 50см и ќе биде искористена за правење перики. Иако пострижувањето се случило пред две недели, Чарли сака повторно да ја порасне и пак да ја донира за болните од рак.