Двете ќерки од бракот на Владимир Путин со бившата сопруга, Људмила, се голема мистерија за јавноста. Некои неофицијални информации кои се познати за нив е дека повозрасната ќерка Мариа живее во Германија со своето момче, бизнисменот Јорито Фасеном и дека е дипломиран биолог, додека помладата ќерка Екатерина била свршена со син на некој јужнокорејски воен претставник.
Сепак и Мариа и Екатерина се огромна мистерија. Не постојат фотографии на Путин заедно со неговите ќерки, освен една стара фотографија од 90-тите години на која ќерките се многу мали.
- Ќерките на претседателот Путин не се кријат, но се придржуваат до советот на татко им да се чуваат од јавноста, изјави неговиот портпарол.
Познато е дека Путин го крие во строга тајност својот приватен живот. Во руските медиуми се појави вест дека тој има уште едно дете, син кој го добил пред неколку години, од другата сопруга, Алина Кабајева. Но, оваа информација не е потврдена.