Доколку чувате куче добро знаете дека никој друг не може толку многу да му се изнарадува на вашето пристигнување дома. Па, и да немате крзнено пријателче, сигурно сте слушнале за спектакулариот „кучешки пречек“.
Можете ли да замислите што би се случило вашето куче да ве нема видено цела година или уште подолго? Токму овој шнауцер, по име Кејси, ни го прикажува тој момент, кога нејзината газдарица прв пат се враќа дома, во САД, откако се преселила во Словенија две години претходно.
Малата Кејси не може да престане да цвили од среќа, а шокот е толку голем што во еден момент речиси се онесвестува. Погледнете го видеото, кое за само неколку дена има над 26 милиони прегледи на YouTube.