Деновиве низ социјалните мрежи кружи предизвикот поливање со вода со мраз.
Еден од првите кој го започна ова поливање е Џастин Тимберлејк, кој предизвика други познати личности да се поливаат, а тие ги предизвикуваа останатите личности. Овој предизвик се прошири насекаде низ светот, па стигна дури и во Македонија.
И додека некои мислат дека е чиста глупост, останатите сметаат дека тоа го прават само поради хуманитарни цели. Треба пред поливањето да донираат сума на пари за болните од амиотрофична латерална склероза. Ретко кој донира за овие пациенти, но благодарение на овие донации сега тие веќе имаат собрано над 22 милиони долари!
Ентони Карбаџал пати од овој вид на склероза, но тоа не го спречило да донира за останатите пациенти. Неговото видео започнува со поливање со вода, а завршува низ солзи. Ја раскажува неговата сторија и споделува дека освен неговата баба, пати и неговата мајка, која воедно ја има и во видеото.
Ова е една прогресивна, смртоносна болест на нервниот систем кој го контролира движењето на мускулите. Со тек на време, мускулите престануваат со својата функција на испраќање сигнали до мозокот и поради тоа атрофираат. На крај, тие ги губат сите мускулни движења освен оние на очите.
- Зачудувачки е фактот дека многу малку луѓе знаат за оваа болест, а оние кои знаат не се трудат да ни помогнат, затоа што сметаат дека нема да бидеме корисни за општеството. Но, им благодарам на сите што донирале, низ солзи изјавува Ентони.
Изгледајте го видеото до крај и сфатете ја смислата на животот!