Леонид Стадник, највисокиот човек на светот, почина на 44-годишна возраст. Тој бил висок 2.60 метри поради туморот кој продолжил да му лачи хормони за растење целиот живот.
Украинските медиуми наведуваат дека Леонид починал поради излив на крвта во мозокот.
Во 2007 година тој беше запишан во Гинисовата книга на рекорди, кога беше висок 2.56 метри како највисокиот човек во светот. Но, бидејќи не сакал луѓето од оваа организација да го измерат,титулата му припаднала на Кинезот Бао Сишуну, висок 2.36 метри.
Леонид имал повлечен живот и живеел во куќата на мајка му во Подољанци, северна Украина. За својата висина зборувал дека му задава повеќе маки отколку радости. Со тек на време му било многу тешко да се движи, па бил принуден да се откаже од работата како ветеринар, по што продолжил да се грижи за куќата и градината. Повремено добивал помош од страна, така што дизајниран е специјален компјутер за него, а бившиот претседател на Украина, Виктор Јушченко му подарил автомобил адаптиран за неговата висина.