Стенли Кјубрик е едно од легендарните режисерски имиња во историјата на филмот. Овој познат Американец, роден во Њујорк во 1928-та година, е миленик на огромен број филмаџии ширум целиот свет и длабоко почитуван од холивуската елита. Како признанија за неговата работа се безбројните престижни номинации и награди, меѓу кои најзначаен е Оскарот за филмот 2001: A Space Odyssey од 1968-та година.
Покрај него, меѓу филмовите кои ја одбележаа богатата кариера на Кјубрик се наоѓаат Spartacus (1960), Lolita (1962), Dr. Strangelove (1964), Clockwork Orange (1971), The Shining (1980), Full Metal Jacket (1987) и Eyes Wide Shut (1999).
Кјубрик имал искуство и со фотографијата, работејќи како фотограф за магазинот Look, пред да седне на режисерското столче и да го прави она што маестрално го правеше во неговата долгогодишна кариера.
Погледете дел од неговите фотографии, кои раскажуваат цели приказни, исто како филмовите.
