Деновиве се одржува познатата „Roštilijada“ во Лесковац, каде што се подготвуваат разни специјалитети. Сепак, на Иван Ѓоргевиќ и Никола Петковиќ, главен предизвик им е секоја година да си го срушат сопствениот рекорд на лесковачка плескавица.
И како и секоја година, така и оваа тие беа главна атракција со нивната огромна плескавица. За разлика од минатата година, кога успеаја да направат плескавица тешка 55кг, оваа година направија плескавица од 56кг! Пред печењето плескавицата имала дијаметар од 163см и дебелина од 3 см, а по печењето се намалила на дијаметар од 146см и дебелина од 2,5см.
- Ова е седма година како го рушам сопствениот рекорд. За голема плескавица најважно е квалитетно лесковачко месо за скара и постојано вежбање. Секако дека мора да бидете и јаки за да ја свртите, а да не се подели. Следната година планираме да направиме плескавица од 60кг, изјави Иван, главниот мајстор за скара во месарите „MK“.
Местото се подготвувало ден порано и одлежало во специјални комори. Подготовките пред многубројната публика траеле околу 20 минути, а потоа плескавицата се печела на скара еден час и десет минути.
- Возбудливо е како и секоја година, иако сега беше потешко бидејќи до себе имав помлад и неискусен колега. Но, одлично се вклопи.
Возбудата расте при првото извлекување на плехот. Кората на плескавицата мора да се запече директно на решетките на скарата, за да биде повкусна. Пет минути подоцна повторно се навлекува на плех. Вртењето на полупечениот специјалитет бил еден од највозбудливите моменти.
Откако конечно успеале во печењето на плескавицата, жирито проценило дека најголемата плескавица на светот е испечена. Сепак, ова задоволство е од личен интерес. За жал, претставниците од Гинис се уште ги нема за да ја внесат оваа плескавица во Гинисовата книга на рекорди.