Кој би можел да даде поубава дефиниција за љубовта од децата? Со нивните чисти и невини срца, тие се единствените кои можат вистински и искрено да сакаат. Нивната љубов е неусловена и лишена од очекувања, себичност, посесивност и љубомора.
Еве дел од најубавите дефиниции за љубовта кои ни ги имаат подарено децата.
- Љубов е кога мама му го дава на тато најубавиот дел од пилето кое го подготвила за ручек, иако ние се буниме.
- Љубовта нè тера да се смееме, дури и кога сме уморни.
- Љубов е кога баба и дедо и понатаму се пријатели, иако знаат сè еден за друг.
- Кога девојчето ќе стави лош парфем, а момчето ефтина колонска вода и целиот ден се гушкаат, тоа е вистинска љубов.
- Љубов е кога ти ми недостасуваш мене, а јас тебе.
- Љубов е кога човекот разликува една жена од сите останати.
- Кога мама зборува за некој актер колку е убав и згоден, а тато му наоѓа мани, тоа е љубов.
- Љубов е кога многу ме боли главата и целата сум разбушавена, а Марко ќе дојде и ќе ми каже дека фризурата ми е божествена.